ਜਲੰਧਰ: ਪੰਜਾਬ ਸਰਕਾਰ ਤੋਂ ਆਪਣੀ ਪਤਨੀ ਦੇ ਇਲਾਜ ਲਈ ਮੁਆਵਜ਼ਾ ਮੰਗਣ ਵਾਲੇ ਡੈਮੋਕ੍ਰੇਟਿਕ ਭਾਰਤੀ ਸਮਾਜ ਪਾਰਟੀ ਦੇ ਨੇਤਾ ਵਿਜੇ ਹੰਸ ਦੇ ਦਿਹਾਂਤ ਤੋਂ ਕੁੱਝ ਘੰਟੇ ਬਾਅਦ ਹੀ ਉਨ੍ਹਾਂ ਦੀ ਪਤਨੀ ਦੀ ਵੀ ਮੌਤ ਹੋ ਗਈ। ਜਾਣਕਾਰੀ ਮੁਤਾਬਕ ਅੱਜ ਸਵੇਰੇ ਨੇਤਾ ਵਿਜੇ ਹੰਸ ਦੀ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ।
ਇਸ ਉਪਰੰਤ ਪਰਿਵਾਰ ਵਾਲੇ ਜਦ ਨੇਤਾ ਜੀ ਦਾ ਅੰਤਿਮ ਸੰਸਕਾਰ ਕਰਕੇ ਘਰ ਵਾਪਸ ਪਰਤੇ ਹੀ ਸਨ ਕਿ ਕੁੱਝ ਘੰਟਿਆਂ ਬਾਅਦ ਨੇਤਾ ਹੰਸ ਦੀ ਪਤਨੀ ਦੀ ਮੌਤ ਵੀ ਹੋ ਗਈ, ਜੋ ਕਿ ਹਸਪਤਾਲ ‘ਚ ਕਈ ਦਿਨ ਤੋਂ ਦਾਖਲ ਸੀ। ਵਿਜੇ ਹੰਸ ਦੇ 2 ਪੁੱਤਰ ਤੇ 2 ਪੁੱਤਰੀਆਂ ਹਨ। ਇਸ ਘਟਨਾ ਨਾਲ ਇਕ ਦਿਨ ‘ਚ ਹੀ ਇਨ੍ਹਾਂ ਬੱਚਿਆਂ ਉਪਰੋਂ ਮਾਂ-ਬਾਪ ਦਾ ਛਾਇਆ ਉਠ ਗਿਆ ਹੈ।
ਜ਼ਿਕਰਯੋਗ ਹੈ ਕਿ ਹੰਸ ਦੀ ਪਤਨੀ ਕਿਸੇ ਗੰਭੀਰ ਬੀਮਾਰੀ ਨਾਲ ਗ੍ਰਸਤ ਸੀ। ਜਿਸ ਦੇ ਇਲਾਜ ਲਈ ਹੰਸ ਨੇ ਪੰਜਾਬ ਸਰਕਾਰ ਤੋਂ ਮੁਆਵਜ਼ੇ ਦੀ ਮੰਗ ਵੀ ਕੀਤੀ ਸੀ ਤੇ ਇਸ ਬਾਰੇ ਉਨ੍ਹਾਂ ਨੇ ਬੁੱਧਵਾਰ ਪ੍ਰੈਸ ਕਾਨਫਰੰਸ ਵੀ ਕੀਤੀ ਸੀ।
