ਨ.ਸੀ.ਆਰ. ‘ਚ ਇੰਦਰਪ੍ਰਸਤ ਗੈਸ ਲਿਮਟਿਡ (ਆਈ.ਜੀ.ਐੱਲ.) ਨੇ ਸੀ.ਐੱਨ.ਜੀ. ਦੀਆਂ ਕੀਮਤਾਂ ‘ਚ ਵਾਧੇ ਦਾ ਫੈਸਲਾ ਕੀਤਾ ਹੈ । ਰੁਪਏ ਦੀ ਤੁਲਨਾ ‘ਚ ਡਾਲਰ ਦੇ ਮਜ਼ਬੂਤ ਹੋਣ ਨਾਲ ਸੀ.ਐੱਨ.ਜੀ. ਮਹਿੰਗੀ ਹੋਈ ਹੈ । ਅਪ੍ਰੈਲ ਤੋਂ ਸੀ.ਐੱਨ.ਜੀ. ਦੀਆਂ ਕੀਮਤਾਂ ਤੀਜੀ ਵਾਰ ਵਧਾਈਆਂ ਗਈਆਂ ਹਨ । ਆਈ.ਡੀ.ਐੱਲ. ਨੇ ਬਿਆਨ ‘ਚ ਕਿਹਾ ਕਿ ਦਿੱਲੀ, ਰੇਵਾੜੀ, ਗੁਰੂਗ੍ਰਾਮ ਅਤੇ ਕਰਨਾਲ ‘ਚ ਸੀ.ਐੱਨ.ਜੀ. ਦੀਆਂ ਕੀਮਤਾਂ 50 ਪੈਸੇ ਪ੍ਰਤੀ ਕਿਲੋਗ੍ਰਾਮ ਵਧਾਈਆਂਗਈਆਂ ਹਨ । ਉੱਧਰ ਨੋਇਡਾ, ਗ੍ਰੇਟਰ ਨੋਇਡਾ ਅਤੇ ਗਾਜ਼ਿਆਬਾਦ ‘ਚ ਇਸ ਦੀਆਂ ਕੀਮਤਾਂ ‘ਚ 55 ਪੈਸੇ ਪ੍ਰਤੀ ਕਿਲੋਗ੍ਰਾਮ ਦਾ ਵਾਧਾ ਹੋਇਆ ਹੈ ।
ਜਾਣੋ ਗੈਸ ਦੇ ਨਵੇਂ ਰੇਟ ਦਿੱਲੀ ‘ਚ ਸੀ.ਐੱਨ.ਜੀ. ਹੁਣ 47.10 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੋ ਗਈ ਹੈ । ਨੋਇਡਾ, ਗ੍ਰੇਟਰ ਨੋਇਡਾ ਅਤੇ ਗਾਜ਼ਿਆਬਾਦ ‘ਚ ਹੁਣ ਤੱਕ 53.50 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੋ ਗਈ ਹੈ । ਗੁਰੂਗ੍ਰਾਮ ਅਤੇ ਰੇਵਾੜੀ ‘ਚ ਸੀ.ਐੱਨ.ਜੀ. ਦੀ ਕੀਮਤ 58.95 ਰੁਪਏ ਪ੍ਰਤੀ ਕਿਲੋਗ੍ਰਾਮ ਅਤੇ ਕਰਨਾਲ ‘ਚ 55.95 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੋ ਗਿਆ ਹੈ । ਇਸ ਸਾਲ ਅਪ੍ਰੈਲ ਤੋਂ ਸੀ.ਐੱਨ.ਜੀ. ਦੀਆਂ ਕੀਮਤਾਂ ‘ਚ ਇਹ ਤੀਜੀ ਵਾਰ ਵਾਧਾ ਹੈ । ਅਪ੍ਰੈਲ 2018 ‘ਚ ਸੀ.ਐੱਨ.ਜੀ. ਦੀਆਂ ਕੀਮਤਾਂ ‘ਚ 7.39 ਰੁਪਏ ਪ੍ਰਤੀ ਕਿਲੋਗ੍ਰਾਮ ਦਾ ਵਾਧਾ ਹੋਇਆ ਹੈ ।
ਨਹੀਂ ਵਧਾਏ ਪੀ.ਐੱਨ.ਜੀ. ਦੇ ਭਾਅ ਇੰਦਰਪ੍ਰਸਤ ਗੈਸ ਲਿਮਟਿਡ ਨੇ ਪਾਈਪ ਦੇ ਰਾਹੀਂ ਸਪਲਾਈ ਕੀਤੀ ਜਾਣ ਵਾਲੀ ਰਸੋਈ ਗੈਸ ਪੀ.ਐੱਨ.ਜੀ. ਦੀਆਂ ਕੀਮਤਾਂ ‘ਚ ਵਾਧਾ ਨਹੀਂ ਕੀਤਾ ਹੈ । ਆਈ.ਜੀ.ਐੱਲ. ਨੇ ਕਿਹਾ ਕਿ ਉਹ ਰਾਤ 12 ਵਜੇ ਤੋਂ ਸਵੇਰੇ ਛੇ ਵਜੇ ਤੱਕ ਦਿੱਲੀ, ਨੋਇਡਾ, ਗ੍ਰੇਟਰ ਨੋਇਡਾ ਅਤੇ ਗਾਜ਼ਿਆਬਾਦ ‘ਚ ਚੁਨਿੰਦਾ ਸੀ.ਐੱਨ.ਜੀ. ਆਊਟਲੇਟਸ ‘ਤੇ ਡੇਢ ਰੁਪਏ ਪ੍ਰਤੀ ਕਿਲੋਗ੍ਰਾਮ ਦੀ ਛੋਟ ਜਾਰੀ ਰੱਖੇਗੀ ।
