ਚੰਡੀਗÎੜ੍ਹ : ਪੰਚਕੁਲਾ ਅਦਾਲਤ ਨੇ ਹਨੀਪ੍ਰੀਤ ਨੂੰ ਬੜੀ ਕਰ ਦਿੱਤਾ ਹੈ । ਇਸ ਦੇ ਨਾਲ ਹੀ ਗੁਰਮੀਤ ਰਾਮ ਰਹੀਮ ਸਿੰਘ ਨੂੰ 25 ਅਗਸਤ 2017 ਤੋਂ ਸੁਨਾਰੀਆ ਜੇਲ ਵਿਚ ਰੱਖਿਆ ਗਿਆ ਸੀ।
ਲਗਭਗ ਦੋ ਸਾਲ ਬਾਅਦ ਸੌਦਾ ਸਾਧ ਦੀ ਮੂੰਹ ਬੋਲੀ ਬੇਟੀ ਹਨੀ ਪ੍ਰੀਤ ਨੂੰ ਜ਼ਮਾਨਤ ਮਿਲ ਗਈ ਪਰ ਜ਼ਮਾਨਤ ਮਿਲਣ ਤੋਂ ਬਾਅਦ ਉਹ ਜੇਲ ਵਿਚ ਬੰਦ ਸੌਧਾ ਸਾਧ ਨੂੰ ਮਿਲਣ ਲਈ ਉਤਾਵਲੀ ਹੈ। ਜੇਲ ਵਿਚੋਂ ਆਪ ਰਿਹਾ ਹੋਣ ਤੋਂ ਬਾਅਦ ਉਹ ਅਪਣੇ ਨਜ਼ਰਬੰਦ ਪਿਤਾ ਨੂੰ ਮਿਲਣ ਲਈ ਤਿੰਨ ਗੇੜੇ ਮਾਰ ਚੁੱਕੀ ਹੈ। ਹਨੀਪ੍ਰੀਤ ਦੇ ਵਕੀਲ ਏ.ਪੀ ਸਿੰਘ ਦਾ ਕਹਿਣਾ ਹੈ ਕਿ ਉਹ ਆਪ ਹੁਣ ਜੇਲ ਵਿਚੋਂ ਜ਼ਮਾਨਤ ‘ਤੇ ਬਾਹਰ ਆ ਚੁੱਕੀ ਹੈ ਇਸ ਕਰ ਕੇ ਉਸ ਨੂੰ ਮੁਲਾਕਾਤ ਕਰਨ ਤੋਂ ਰੋਕਿਆ ਜਾਣਾ ਨਹੀਂ ਬਣਦਾ।
ਵਕੀਲ ਨੇ ਕਿਹਾ ਕਿ ਜੇਲ ਅਧਿਕਾਰੀਆਂ ਨੇ ਮੁਲਾਕਾਤ ਨਾ ਕਰਵਾ ਕੇ ਮੌਲਿਕ ਅਧਿਕਾਰਾਂ ਦੀ ਉਲੰਘਣਾ ਕੀਤੀ ਹੈ। ਉਸ ਨੇ ਮੁਲਾਕਾਤ ਸੰਭਵ ਬਨਾਉਣ ਲਈ ਹਰਿਆਣਾ ਪੁਲਿਸ ਦੇ ਮੁਖੀ ਤੋਂ ਲੈ ਕੇ ਅਦਾਲਤ ਦਾ ਦਰਵਾਜ਼ਾ ਖੜਕਾਉਣ ਦਾ ਫ਼ੈਸਲਾ ਕੀਤਾ ਹੈ। ਹਨੀਪ੍ਰੀਤ ‘ਤੇ ਅਗੱਸਤ 2017 ਵਿਚ ਪੰਚਕੂਲਾ ਵਿਖੇ ਦੰਗੇ ਕਰਵਾਉਣ ਦਾ ਦੋਸ਼ ਹੈ। ਉਹ ਅਪਣੇ ਪਿਤਾ ਸੌਦਾ ਸਾਧ ਨੂੰ ਵੀ ਉਸੇ ਦਿਨ ਮਿਲੀ ਸੀ ਜਿਸ ਦਿਨ ਉਸ ਨੂੰ ਜੇਲ ਭੇਜਿਆ ਗਿਆ ਸੀ।
ਹਨੀਪ੍ਰੀਤ ਦਾ ਅਸਲ ਨਾਮ ਪ੍ਰਿਯੰਕਾ ਤਨੇਜਾ ਹੈ। ਉਸ ਨੂੰ 6 ਨਵੰਬਰ ਨੂੰ ਅਦਾਲਤ ਦੇ ਆਦੇਸ਼ਾਂ ‘ਤੇ ਅੰਬਾਲਾ ਜੇਲ ਵਿਚੋਂ ਰਿਹਾ ਕੀਤਾ ਗਿਆ ਹੈ। ਸੂਤਰਾਂ ਮੁਤਾਬਕ ਉਸ ਨੇ ਸੌਦਾ ਸਾਧ ਨੂੰ ਪਹਿਲਾਂ ਸ਼ੁਕਰਵਾਰ ਅਤੇ ਫਿਰ ਸੋਮਵਾਰ ਜੇਲ ਵਿਚ ਮਿਲਣ ਦੀ ਕੋਸ਼ਿਸ਼ ਕੀਤੀ ਪਰ ਜੇਲ ਅਧਿਕਾਰੀ ਬੇਰੰਗ ਮੋੜਦੇ ਰਹੇ। ਇਕ ਹੋਰ ਜਾਣਕਾਰੀ ਅਨੁਸਾਰ ਹਰਿਆਣਾਂ ਪੁਲਿਸ ਦੇ ਮੁਖੀ ਨੂੰ ਇਕ ਪੱਤਰ ਲਿਖ ਕੇ ਅਪਣੇ ਪਿਤਾ ਨਾਲ ਮੁਲਾਕਾਤ ਦੀ ਆਗਿਆ ਮੰਗੀ ਹੈ।
