ਇਸ ਤਰਾਂ ਹੋਈ ਪਰਿਵਾਰ ਦੇ ਜੀਆਂ ਦੀ ਮੌਤ
ਅੱਜ ਦੇ ਜਮਾਨੇ ਵਿਚ ਜਿਆਦਾ ਤਰ ਲੋਕ ਬਹੁਤ ਜਿਆਦਾ ਹੀ ਸੈਲਫੀਆਂ ਖਿੱਚ ਦੇ ਹਨ ਅਤੇ ਖੁਸ਼ੀ ਮਨਾਉਂਦੇ ਹਨ ਪਰ ਇਕ ਪਰਿਵਾਰ ਨੂੰ ਸੈਲਫੀ ਖਿਚਣੀ ਮੇਂਹਗੀ ਪੈ ਗਈ ਇਸ ਪਰਿਵਾਰ ਚ ਹਜੇ ਕੁਝ ਦਿਨ ਪਹਿਲਾਂ ਹੀ ਵਿਆਹ ਦੀਆਂ ਖੁਸ਼ੀਆਂ ਚਲ ਰਹੀਆਂ ਸਨ ਪਰ ਇਹ ਭਾਣਾ ਵਾਪਰ ਗਿਆ। ਦੇਖੋ ਪੂਰੀ ਖਬਰ ਵਿਸਥਾਰ ਨਾਲ
ਸਮਾਰਟਫੋਨਜ਼ ਦੇ ਬਿਹਤਰ ਕੈਮਰੇ ਦੇ ਨਾਲ ਨਾਲ ਸੈਲਫੀ ਦਾ ਕ੍ਰੇਜ਼ ਵੀ ਵੱਧਦਾ ਜਾ ਰਿਹਾ ਹੈ। ਸੈਲਫੀ ਦਾ ਇਹ ਕ੍ਰੇਜ਼ ਵੀ ਘਾਤਕ ਸਾਬਤ ਹੁੰਦਾ ਹੈ। ਅਜਿਹਾ ਹੀ ਤਾਮਿਲਨਾਡੂ ਦੇ ਕ੍ਰਿਸ਼ਨਾਗਿਰੀ ਵਿੱਚ ਇੱਕ ਪਰਿਵਾਰ ਨਾਲ ਹੋਇਆ ਹੈ। ਦਰਅਸਲ, ਪਾਂਬਰੂ ਡੈਮ ‘ਤੇ ਸੈਲਫੀ ਲੈਣ ਲਈ ਸਾਵਧਾਨ ਨਾ ਰਹਿਣ ਕਾਰਨ ਇੱਕ ਪਰਿਵਾਰ ਦੇ ਚਾਰ ਲੋਕ ਡੈਮ ਵਿੱਚ ਡਿੱਗ ਗਏ ਅਤੇ ਉਨ੍ਹਾਂ ਦੀ ਮੌਤ ਹੋ ਗਈ।
ਪੁਲਿਸ ਅਨੁਸਾਰ ਮਰਨ ਵਾਲੇ ਚਾਰ ਵਿਅਕਤੀਆਂ ਵਿੱਚ ਤਿੰਨ ਔਰਤਾਂ ਵੀ ਸ਼ਾਮਲ ਹਨ। ਪੁਲਿਸ ਨੇ ਦੱਸਿਆ ਕਿ ਨਵਾਂ-ਵਿਆਹੁਤਾ ਯੁਗਲ ਪ੍ਰਭੂ ਅਤੇ ਨਿਵੇਦਿਤਾ ਅਤੇ ਉਨ੍ਹਾਂ ਦੇ ਰਿਸ਼ਤੇਦਾਰ- ਕਾਨਿਤਾ, ਸਨੇਹਾ, ਉਵਰਾਨੀ ਤੇ ਸੰਤੋਸ਼ ਸ਼ਨੀਵਾਰ ਨੂੰ ਸੈਲਫੀ ਲੈ ਰਹੇ ਸਨ ਜਦੋਂ ਪ੍ਰਭੂ ਨੂੰ ਛੱਡ ਕੇ ਪੰਜ ਲੋਕ ਪਾਣੀ ਵਿੱਚ ਡਿੱਗ ਪਏ।
ਪੁਲਿਸ ਦੇ ਅਨੁਸਾਰ, ਫੋਟੋ ਖਿੱਚ ਰਹੇ ਪ੍ਰਭੂ ਨੇ ਤੁਰੰਤ ਪਾਣੀ ਵਿੱਚ ਛਾਲ ਮਾਰ ਦਿੱਤੀ ਅਤੇ ਉਵਰਾਣੀ ਨੂੰ ਬਚਾਇਆ, ਜਦੋਂ ਕਿ ਬਾਕੀ ਲੋਕ ਪਾਣੀ ਵਿੱਚ ਵਹਿ ਗਏ। ਬਾਅਦ ਵਿੱਚ ਉਨ੍ਹਾਂ ਦੀਆਂ ਲੋਥਾਂ ਬਰਾਮਦ ਕੀਤੀਆਂ ਗਈਆਂ ਹਨ । ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਜਾਂਚ ਕੀਤੀ ਜਾ ਰਹੀ ਹੈ।
