ਸਰਕਾਰ ਕਿਸਾਨਾਂ ਵਾਸਤੇ ਬਹੁਤ ਵਧੀਆ ਸਕੀਮ ਲੈਕੇ ਆ ਰਹੀ ਹੈ । ਹੁਣ ਕਿਸਾਨਾਂ ਨੂੰ 6 ਮਹੀਨੇ ਡੀਜ਼ਲ ਪਾਉਣ ਦੇ ਪੈਸੇ ਨਹੀਂ ਦੇਣੇ ਪੈਣਗੇ । ਜੇਲ੍ਹ ਮੰਤਰੀ ਸੁਖਜਿੰਦਰ ਸਿੰਘ ਰੰਧਾਵਾ ਨੇ ਦੱਸਿਆ ਕਿ ਪੰਜਾਬ ਵਿਚ 100 ਸਰਕਾਰੀ ਪਟਰੌਲ ਪੰਪ ਖੁੱਲ੍ਹਣ ਜਾ ਰਹੇ ਹਨ,ਜਿਨ੍ਹਾਂ ਨਾਲ ਕਿਸਾਨਾਂ ਨੂੰ ਵੱਡਾ ਫ਼ਾਇਦਾ ਹੋਵੇਗਾ ਕਿਉਂਕਿ ਇਨ੍ਹਾਂ ਪਟਰੌਲ ਪੰਪਾਂ ‘ਤੇ ਕਿਸਾਨਾਂ ਨੂੰ 6 ਮਹੀਨੇ ਤੱਕ ਉਧਾਰ ਪਟਰੌਲ ਅਤੇ ਡੀਜ਼ਲ ਦਿੱਤਾ ਜਾਵੇਗਾ ਅਤੇ ਫ਼ਸਲਾਂ ਵਿਕਣ ਤੋਂ ਬਾਅਦ ਹੀ ਉਨ੍ਹਾਂ ਕੋਲੋਂ ਪੈਸੇ ਲਏ ਜਾਣਗੇ।
ਸੁਖਜਿੰਦਰ ਸਿੰਘ ਰੰਧਾਵਾ ਨੇ ਦੱਸਿਆ ਕਿ ਸ਼ੂਗਰ ਮਿੱਲ ਅਤੇ ਮਾਰਕਫੈੱਡ ਦੀਆਂ ਜ਼ਮੀਨਾਂ ‘ਤੇ ਹੀ ਇਹ ਪਟਰੌਲ ਪੰਪ ਖੋਲ੍ਹੇ ਜਾਣਗੇ ਅਤੇ ਸਾਰੇ ਪੰਪ ਇੰਡੀਅਨ ਆਇਲ ਹੀ ਖੋਲ੍ਹੇਗੀ। ਉਨ੍ਹਾਂ ਦੱਸਿਆ ਕਿ ਇਨ੍ਹਾਂ ਪਟਰੌਲ ਪੰਪਾਂ ਸਬੰਧੀ ਬੁੱਧਵਾਰ ਨੂੰ ਇੰਡੀਅਨ ਆਇਲ ਕਾਰਪੋਰੇਸ਼ਨ ਨਾਲ ਸਮਝੌਤਾ ਹੋਵੇਗਾ।
ਅਕਸਰ ਇਹ ਦੇਖਿਆ ਗਿਆ ਹੈ ਕੇ ਕਿਸਾਨ ਡੀਜ਼ਲ ਲੈਣ ਦੇ ਲਈ ਆੜਤੀਆਂ ਤੋਂ ਪਰਚੀ ਲੈਂਦੇ ਹਨ । ਆੜਤੀਆਂ ਵਲੋਂ ਕਿਸਾਨਾਂ ਨੂੰ ਡੀਜ਼ਲ ਦੇਣ ਤੋਂ ਬਾਅਦ ਡੀਜ਼ਲ ਦੀ ਕੀਮਤ ਦੇ ਪੈਸੇ ਲਿਖ ਲੈਂਦੇ ਹਨ ਤੇ ਓਸੇ ਮਹੀਨੇ ਤੋਂ ਹੀ ਵਿਆਜ ਲੱਗਣਾ ਸ਼ੁਰੂ ਹੋ ਜਾਂਦਾ ਹੈਜੇਕਰ ਸਰਕਾਰ ਇਸ ਤਰਾਂ ਦੇ ਪੈਟਰੋਲ ਪੰਪ ਖੋਲਣ ਵਿੱਚ ਕਾਮਯਾਬ ਹੁੰਦੀ ਹੈ ਤਾਂ ਕਿਸਾਨਾਂ ਦੇ ਵਿਆਜ ਦੇ ਪੈਸੇ ਬਚ ਜਾਣਗੇ ਤੇ ਹਰ ਵਾਰ ਡੀਜ਼ਲ ਲੈਣ ਦੇ ਲਈ ਆੜਤੀਆਂ ਦੇ ਕੋਲ ਜਾਣ ਦੀ ਜਰੂਰਤ ਨਹੀਂ ਰਹੇਗੀ ।