ਭਾਰਤ ਵਿੱਚ ਹੁਨਰ ਦੀ ਕਮੀ ਨਹੀਂ ਹੈ, ਜੋ ਕੰਮ ਆਈ ਆਈ ਟੀ ਦੇ ਵਿਦਿਆਰਥੀ ਨਹੀਂ ਕਰ ਸਕਦੇ ਉਹ ਕੰਮ ਇੱਕ ਕਿਸਾਨ ਦੇ ਬੇਟੇ ਨੇ ਕਰ ਦਿਖਾਇਆ ਹੈ । ਉਸ ਦੇ ਹੁਨਰ ਦਾ ਡੰਕਾ ਅੱਜ ਪੂਰੇ ਦੇਸ਼ ਵਿੱਚ ਵਜ ਰਿਹਾ ਹੈ। ਰਾਜਸਥਾਨ ਦੇ ਬਾਰਾਂ ਜਿਲ੍ਹੇ ਦੇ ਬਮੋਰੀਕਲਾਂ ਪਿੰਡ ਵਿੱਚ ਇੱਕ ਕਿਸਾਨ ਦੇ ਬੇਟੇ ਨੇ ਜੋ ਕਾਰਨਾਮਾ ਕੀਤਾ ਹੈ ਉਸ ਨਾਲ ਉਸਦੇ ਪਿਤਾ ਨੂੰ ਬਹੁਤ ਮਾਨ ਹੈ ।19 ਸਾਲ ਦਾ ਇਹ ਜਵਾਨ ਲਗਾਤਾਰ ਨਵੀਂ ਖੋਜ ਕਰਨ ਵਿੱਚ ਲਗਾ ਰਹਿੰਦਾ ਹੈ । ਉਸ ਨੇ ਹੁਣ ਜੋ ਚੀਜ ਤਿਆਰ ਕੀਤੀ ਹੈ ਉਸ ਨਾਲ ਖੇਤੀ ਕਾਫ਼ੀ ਆਸਾਨ ਹੋ ਸਕਦੀ ਹੈ । ਛੋਟੀ ਉਮਰ ਵਿੱਚ ਇਸ ਜਵਾਨ ਨੇ ਆਪਣੀ ਦਿਮਾਗ ਦੇ ਜੋਰ ਤੇ 27 ਤੋਂ ਜਿਆਦਾ ਖੋਜਾਂ ਕੀਤੀਆਂ ਹਨ ।
ਇਸ ਮੁੰਡੇ ਦਾ ਨਾਮ ਯੋਗੇਸ਼ ਕੁਮਾਰ ਹੈ । ਇਸਦੀ ਖੋਜ ਦੇਖ ਕੇ ਆਈ ਆਈ ਟੀ ਵਿੱਚ ਪੜ੍ਹਨ ਵਾਲੇ ਲੋਕ ਵੀ ਹੈਰਾਨ ਹਨ । ਯੋਗੇਸ਼ ਨਾਗਰ ਫਿਲਹਾਲ ਮੈਥ ਵਿੱਚ ਬੀ ਐੱਸ ਸੀ ਕਰ ਰਿਹਾ ਹੈ ।ਯੋਗੇਸ਼ ਦੇ ਪਿਤਾ ਰਾਮ ਬਾਬੂ ਨਾਗਰ 15 ਵਿੱਘੇ ਜਮੀਮ ਤੇ ਖੇਤੀ ਕਰਦਾ ਹੈ . ਇਸ ਨਾਲ ਪਰਿਵਾਰ ਦਾ ਖਰਚਾ ਚੱਲਦਾ ਹੈ । ਆਪਣੇ ਪਿਤਾ ਦੀਆਂ ਮੁਸ਼ਕਿਲਾਂ ਨੂੰ ਦੇਖ ਕੇ ਯੋਗੇਸ਼ ਨੇ ਕੁੱਝ ਅਜਿਹਾ ਕਰਨ ਦਾ ਮੰਨ ਬਣਾਇਆ ਜਿਸ ਨਾਲ ਉਨ੍ਹਾਂ ਦਾ ਕੰਮ ਆਸਾਨ ਹੋ ਜਾਵੇ , ਇਸਦੇ ਲਈ ਉਹ ਲਗਾਤਾਰ ਕੰਮ ਕਰ ਰਿਹਾ ਸੀ । ਉਸਦੇ ਪਿਤਾ ਨੂੰ ਟਰੈਕਟਰ ਚਲਾਉਂਦੇ ਸਮੇ ਪਿੱਠ ਵਿੱਚ ਦਰਦ ਦੀ ਸ਼ਿਕਾਇਤ ਹੁੰਦੀ ਸੀ ।
ਪਿਤਾ ਦੀ ਤਕਲੀਫ ਨੂੰ ਦੂਰ ਕਰਨ ਲਈ ਯੋਗੇਸ਼ ਨੇ ਰਿਮੋਟ ਆਪਰੇਟਿਵ ਸਿਸਟਮ ਤਿਆਰ ਕੀਤਾ ਹੈ । ਇਸ ਨਾਲ ਖੇਤ ਵਿੱਚ ਇੱਕ ਜਗ੍ਹਾ ਬੈਠ ਕੇ ਰਿਮੋਟ ਨਾਲ ਟਰੈਕਟਰ ਚਲਾ ਕੇ ਵਾਹੀ ਕੀਤੀ ਜਾ ਸਕਦੀ ਹੈ । ਬਿਨਾਂ ਡਰਾਇਵਰ ਦੇ ਟਰੈਕਟਰ ਨੂੰ ਚੱਲਦਾ ਦੇਖ ਕੇ ਪਿੰਡ ਵਾਲੇ ਵੀ ਹੈਰਾਨ ਰਹਿ ਜਾਂਦੇ ਹਨ।ਹੁਣ ਯੋਗੇਸ਼ ਦੇ ਪਿਤਾ ਦਾ ਕੰਮ ਕਾਫ਼ੀ ਆਸਾਨ ਹੋ ਗਿਆ ਹੈ । ਉਹ ਇੱਕ ਜਗ੍ਹਾ ਖੜੇ ਹੋ ਕੇ ਟਰੈਕਟਰ ਚਲਾਉਂਦੇ ਹਨ । ਇਸ ਨਾਲ ਉਨ੍ਹਾਂ ਦਾ ਸਮਾਂ ਵੀ ਬਚਦਾ ਹੈ ਅਤੇ ਪਿੱਠ ਦਰਦ ਦੀ ਸ਼ਿਕਾਇਤ ਤੋਂ ਵੀ ਮੁਕਤੀ ਮਿਲ ਗਈ ਹੈ । ਹੁਣ ਯੋਗੇਸ਼ ਦੀ ਚਰਚਾ ਪੂਰੇ ਦੇਸ਼ ਵਿੱਚ ਹੋ ਰਹੀ ਹੈ । ਰਿਮੋਟ ਨਾਲ ਟਰੈਕਟਰ ਚਲਾ ਕੇ ਯੋਗੇਸ਼ ਨੇ ਉਹ ਕਾਰਨਾਮਾ ਕੀਤਾ ਜਿਸ ਨਾਲ ਭਾਰਤ ਦੇ ਕਿਸਾਨਾਂ ਦੀ ਕਾਫ਼ੀ ਮਦਦ ਹੋ ਸਕਦੀ ਹੈ ।